Имсол дар Тоҷикистон иди саиди Қурбон рӯзи 27-уми май таҷлил мешавад ва сокинони кишвар ба ин муносибат, 1 рӯз истироҳат мекунанд.
Шӯрои уламои Маркази исломии Тоҷикистон дар асоси мушоҳидаи моҳ ва хулосаи Пажӯҳишгоҳи астрофизика рӯзи дақиқи фарорасии идро муайян кардааст.
«Намози ид дар масоҷиди кишвар соати 6:00 баргузор мешавад», — гуфт сухангӯи Кумитаи дин.
Ашхоси тавонманд тибқи аҳкоми шариат чорво қурбонӣ мекунанд. Гӯшти қурбонӣ ба се қисм тақсим мешавад: барои оила, хешовандон ва ниёзмандон.